“Universe best songs” наадмын дөрөв дэх ялагч Э.Төгсбаяр UBS телевизийн амласан ёсоор Австрали улсад очиж “Грэммийн шагналт” поп дуучин Лэди Гагагийн тоглолтыг үзээд иржээ.
Тэрбээр мөн найм хоног Сидней, Перт хотуудаар аялсан байна. Уралдааны ялагч нь өөрийн дуртай, шүтэн биширдэг хамтлаг, дуучны тоглолтыг үзэх эрхтэй байсан бөгөөд Э.Төгсбаяр Лэди Гагаг сонгожээ. Азаар Лэди Гага “Born this way ball” аялан тоглолтоо дэлхий даяар хийж явсан юм.
Тоглолт үзэхээр цугласан 30 мянган үзэгчийн ихэнх нь яг л Лэди Гага шиг хувцасласан байсан гэнэ. Уг аяллын бичлэг удахгүй UBS телевизээр гарах юм байна.
Г.Хүслэн
