R&B дуучин Бруно Марс саяхан Лос-Анжелест тансаг зэрэглэлийн байшин худалдаж авчээ. Лаурен Каньон районд түүнээс гадна илбэчин Харри Хаудини, хөгжимчин Фрэнк Заппа, Холливудын од Жорж Клүүни нар амьдардаг аж.
26 настай дуучин залуу байшингаа 3.3 сая ам.доллараар худалдаж авсан ба энэхүү мөнгөө хоёр хувааж төлсөн байна. Тэрбээр өнгөрсөн оны арваннэгдүгээр сард эхний төлбөрөө барагдуулжээ.
Бруно Марсын хувийн зөвлөх Эдди ярихдаа “Энэ бол түүний хувьд худалдаж авч буй анхны тансаг зэрэглэлийн байшин юм. Тэр үүнийг худалдаж авахад ихээхэн цаг зарцуулсан. Бруно Марс нэгэнт алдартай дуучин болсон учраас аюулгүй газар амьдрахыг хүсэж байгаа” гэжээ.
Холливудын Лаурен Каньон районд дуучин залуугийн халаасан дахь “ногоон”-д таарсан 1.2-2.7 сая ам.долларын үнэтэй байшин хэд хэд байсан аж. Гэвч Бруно Марс найзуудаа авчран гэртээ шоудахад тохиромжтой том талбайтай, унтлагын гурван өрөөтэй байшин сонгосон нь энэ юм.
Зарим шар хэвлэлд дуучин залууг “тэрбумтны эгнээ”-нд бичигдлээ гэжээ. Учир нь Бруно Марсын цомгоо борлуулсны ашиг нь төдийлөн их биш бөгөөд элдэв сурталчилгаа, ивээн тэтгэгч компаниудаас олсон мөнгөөрөө байшин худалдаж авсан гэж хэвлэлүүдэд тайлбарлажээ.
Т.Арьяа
