Холливудын нэрт жүжигчин Деми Мур Шинэ Зеландын жүжигчин эр Мартин Хендерсонтой найзлах болжээ. Тэд өнгөрсөн долоо хоногт Коннектикутад хамтдаа хооллож, гадуур зугаалсан гэнэ. Life&Style-ийн баталж буйгаар бол Деми, Мартин хоёр нэг байшинд шөнийг хамтд өнгөрүүлсэн ажээ. Мурын шинэ амраг өөрөөс нь 12 дүү юм байна. Сүүлийн хэдэн сарын турш сэтгэлзүйн хүнд цохилтод орж, хэвийн амьдралдаа орж чадахгүй яваа Деми Мур Мартинтай уулзах болсноос хойш аз жаргалтай харагдах болсон аж.
Хуучин нөхөр Эштон Катчерийг нь Мила Кунистай учир ургуулсан тухай мэдээлэл Деми Мурыг ихэд бухимдуулж, галзуурах дөхүүлсэн гэж хэвлэлээр бичсэн ч одоогоор тэрээр найз залуу Мартин Хендерсонтойгоо тайван амгалан амьдарч байгаа гэж Life&Style-д бичсэн байна.
Р.Гэгээ
