Лондонгийн Олимпын наадамд Буудлага спортын төрөлд эх орноо төлөөлөн оролцсон ОУХМ Н.Баяраа эрэгтэйчүүдийн хийн урт бууны 10 метрийн дасгалд өрсөлдөж, 23 дугаар байрт бичигдлээ. Тэрбээр урьдчилсан дасгалд 593 /100, 96, 99, 100, 98, 100/ оноо авснаар нийт 47 тамирчнаас 23 дугаарт эрэмбэлэгдэв.
Тэмцээний дүрмийн дагуу эхний найман байрт бичигдсэн тамирчид шигшээ буудлагад өрсөлдөж, тэндээс медалийн эзэд тодорсон юм. Н.Баяраагийн хувьд дахин хоёр дасгалд өрсөлдөх бөгөөд наймдугаар сарын 3-нд урт бууны хэвтээ байрлалын дасгалд, харин 6-нд гурван байрлалаас буудах дасгалд онч сорих хуваарьтай байна. ОУХМ Н.Баяраагийн хувьд Монгол Улсын түүхэнд анх удаа буудлага спортын урт бууны төрлөөр олимпод оролцож буй юм.
WWW.URLAG.MN Ayu
