Asian shop хамтлага \jazz boy group\

Хамтлаг нь 2005 онд СУИС-аас үүсэн байгуулагдсан бөгөөд 2009 онд “Аавдаа” , “Урт наслаарай ээжээ” зэрэг дуунууд орсон “Hot pizza” нэртэй цомог гаргасан. Түүнээс хойш урлагийн мэргэжилээрээ суралцаж, ажиллаж байгаад 2011 онд “Asian Shop the jazz album” цомог дээр ажиллаж 2012 оны 4-сар дуусгаж цомгийнхоо нээлийг амжилттай хийсэн. Энэ цомогт дэлхийн жазз урлагийн домог болсон Louis Armstrong, Frank Sinatra, Ray Charles зэрэг дуучдын сор болсон дуунуудаас бүрдсэн. Тус уран бүтээлүүдийн хөгжмийн найруулгын хувьд сонгодог хэлбэрээр нь хийгдсэн харин дуулалтын хувьд өөрсдийн сэтгэмж найруулгаар хийгдсэн нь өвөрмөц онцлогтой болсон.

 Жазз урлаг, жазз дуу бол дуучдаас өндөр ур чадвар, мэдрэмж, туршлага шаарддаг тиймээс ч тус хамтлагын гишүүд бүгд СУИС төгссөн мэргэжлийн дуучид бөгөөд олон жил дуулж байгаа туршлагатай.

       Шагнал: 2010 оны Бээжинд болсон Пан азийн шинэ залуу хамтлаг дуучдын фестивалд Монгол улсаа төлөөлөн оролцож Азийн шилдэг хамтлагаар тодорч шагнал гардсан.

      Гишүүдийн товч намтар , танилцуулга:

1. П.Бат-Ундрах: Хамтлагын ахлагч 33 настай СУИС-н эстрад дуулаачийн ангийг 2003 онд төгссөн.

-2001 онд жазз Трио хамтлаг “цаг агаарын мэдээ” жазз цомог

-2010онд “Хязгааргүй” моно оперт шөнийн хүний дүрд тоглож “Гэгээн муза” шилдэг гол дүрийн шагнал

        2. Р.Батболд : Хамтлагын гишүүн 28 настай СУИС- н эстрад дуулаачийг 2006 онд төгссөн .

               -2010онд “Хязгааргүй” мюзикл Сүнсний дүрд тоглосон.

        3.Ч.Анхтөр: Хамтлагын гишүүн 28 настай 2006 онд СУИС –н  эстрад анги төгссөн

        4. Б.Баатаржав: Хамтлагын гишүүн 31 настай ЭМШУИС-н их эмч мэргэжлээр 2005 онд төгссөн.      

            ГССҮТөвийн мэс засалч эмч.