Мэргэжлийн хяналтын ерөнхий газраас эмийн сан, үйлдвэр болон ханган нийлүүлэх газруудад шалгалт хийжээ. Шалгалтаар 13 үйлдвэрийн 14 нэр төрлийн бүтээгдэхүүнийг шаардлага хангаагүй байранд үйлдвэрлэж байсан зөрчил илэрчээ.
Мөн 92 төрлийн эм чанарын шаардлага хангаагүй, баталгаагүй болох нь тогтоогдсон байна. Шалгалтад нийтдээ 30 гаруй эмийн үйлдвэр, 100 гаруй эм ханган нийлүүлэх төв, 800 гаруй эмийн санг хамруулжээ.
Үүнээс гадна албан ёсны бүртгэлгүй ч дэлгүүр, орон сууцанд үйл ажиллагаа явуулдаг 85 эмийн сангийн үйл ажиллагааг шалгажээ.
