МҮОНТ-ийн Дуу хөгжим чимэглэлийн албанаас МҮОНТ-ийн 45 жил, Ардын хувьсгалын 91 жилийн ойг угтсан арга хэмжээний хүрээнд анх удаа дуу хөгжмийн фондны монгол хөгжмийн сан хөмрөгийн баяжилтанд зориулан хөгжмийн зохиолч, ая зохиогч, нийт хөгжим сонирхогч, үзэгчдийн дунд телевизийн чимэг хөгжмийн уралдаан зарлаж дүнгээ гаргалаа. Телевизийн монгол чимэг хөгжим зохиох уралдаанд 21 дан хөгжмийн бүтээл өрсөлдсөнөөс шүүгчид тэргүүн байр эзлэх дан хөгжмийн бүтээл ирсэнгүй гэж үзээд хоёрдугаар байранд хөгжмийн зохиолч Д.Батаа “Чиний тухай миний бодол”, “Намайг угтсан өглөө”, МУГЖ хөгжмийн зохиолч Г.Тэрбиш “Шилийн эрсийн салхи”, “Манант хайрхан” бүтээлүүд шалгарсан бол 3-р байранд Б.Мэнд-Амар “Буурал морь”, Л.Мөнхжаргал “Найзаа нааш ир”, М.Хатанбаатар “Нутгаа саналаа би” зэрэг бүтээлүүд шалгарлаа.Уралдаанд ирүүлсэн бүтээлүүдийг шүүх шүүгчдийн бүрэлдэхүүнд МҮОНР-гийн Урлаг соёлын редакц, МҮОНТ-ийн нэвтрүүлгийн хэлтэс, Дуу хөгжим чимэглэлийн албанаас бүрдсэн комисс ажилласан.
Олон нийтийн мэдээлэл судалгааны төв
