Олон сайхан дуугаараа сонсогч түмний танил болсон дуучин Л.Болдбаатарын тухай цөөнгүй паянг найз нөхөд нь ярьдаг ажээ Тухайлбал, мань эр оюутан байхдаа нэгэн хөгтэй явдлын эзэн болжээ.
Гар утастай болоод удаагүй явсан Л.Болдбаатарын утсанд ямар ч дуудлага ирэхгүй хэд хоносон юм байх. Гэтэл дуучин залуу маань ийм сайхан эд өвөртөлж яваагаа бусдад мэдэгдэж, гайхуулмаар санагдсан нь лав.
Тэгээд л СУИС-ийн хонгил дундуур мөнөөх дуугардаггүй утсаараа “яриад” л хөндлөн гулд баахан алхаж гэнэ. СУИС-ийн оюутнууд ч өөр хоорондоо шивэр авир хийж “Болдоо гар утастай болчихож” гээд жиг жуг хийлцэж эхлэв бололтой.
Гэвч мань эрийг ийн жүжиглэж байтал гар утас нь гэнэт дуугарч, гаднаас дуудлага ирсэн нь мэдэгдээд сургууль даяар онигоо болгосон түүхтэй ажээ.
