МУГЖ, поп дива Б.Сарантуяа АНУ-ын дөрвөн томоохон хотоор аялан тоглолт хийхээр зэхжээ. Уг арга хэмжээг АНУ дахь монголчуудын холбоо, Азийн монголчуудын холбоо зохион байгуулж буй аж.
Б.Сарантуяа “Дуучин чамдаа”, “Тэр намайг дурсдаг болов уу”, “Миний аз жаргалын дуу”, “Хайрын бурхан”, “Аргагүй амраг” зэрэг сэтгэлд хоногшсон дуунуудаас гадна шинэхэн цомогтоо багтсан уран бүтээлүүдээсээ хүргэх гэнэ.
Поп дива АНУ дахь аялан тоглолтоо “Сэтгэл догдлуулсан орой” хэмээн нэрийджээ. Уг тоглолтод түүний шавь, Улсын филармонийн гоцлол дуучин, “Universe best songs-2012”-ын дэд байрын шагналт Л.Насанбуян оролцоно.
