300 сая төгрөгийн шагналын сантай, орон нутгийн театр, чуулгын дунд зарласан сонгодог урлагийн бүтээлийн уралдаан ирэх аравдугаар сард болно. Тус уралдаанд Төв аймгийн Монгол туургатан театрын ерөнхий найруулагч Ч.Ганхуяг алдарт Уилльям Шекспирийн “Ромео Жульетта” жүжгээр оролцох гэнэ.
Тэрбээр “Ромео Жульетта”-г мюзикл хэлбэрээр тавих бөгөөд Францын Авинионы наадамд эл жүжгээрээ мөн оролцох аж. Сонирхуулахад, олны анхаарал татаад байгаа энэхүү мюзиклийн гол дүрд “Asian shop” хамтлагийн гишүүн, Монгол туургатан театрын жүжигчин П.Бат-Ундрах болон ШШГЕГ-ын дуучин, “Классик Жем” хамтлагийн гишүүн Б.Отгончимэг нар тоглох аж.
Э.Сувд
