Нэгэн үе “Шуранхай” хамтлагаар овоглож явсан уртын дуучин Б.Номин-Эрдэнэ гэх шавилхан бүсгүйг уншигчид маань андахгүй биз.
Олон талын ажилд өөрийгөө сорих дуртай гэдэг тэрбээр жүжигчин Т.Өөдөөгийн бэлтгэж буй нэвтрүүлэгт орж үзэхийг ихэд мөрөөддөг байжээ. Хөгжмийн нэвтрүүлгийг нь тогтмол үзэж, хөтлөгчийн асуултад үзэгчийн суудлаас хариулж суудаг байсан дуучин бүсгүйн мөрөөдөл саяхан биелсэн гэнэ.
Гадаадад тоглолтоо хийж, өөрийн гэсэн ардын урлагийн хамтлагтай болсон, балетчин найз залуутайгаа хамтын амьдрал зохиохоор бэлтгэж яваа гээд л сонирхуулах зүйл ихтэй түүнийг Т.Өөдөө нэвтрүүлгийнхээ зочноор урьсан аж.
Дуучин бүсгүй ихэд баярлаж, нууцхан мөрөөдөл нь ийнхүү биелсэнд бэлэгшээн өөрийнхөө цомгоор түүнд бэлэг барьжээ.
Р.Есүй
