Миранда Кэрр “Bazaar” сэтгүүлд нүцгэн зургаа нийтлүүлжээ

“Victoria’s Secret”-ийн сахиусан тэнгэр, Австралийн загвар өмсөгч Миранда Кэрр саяхан “Bazaar” сэтгүүлд нүцгэн зургаа нийтлүүлсэн байна. Тэрбээр урт болон дунд хэмжээний түрийтэй, өндөр өсгийтэй савхин гуталнууд өмсчээ.

29 настай топ моделийн гэрэл зургийг Францын Лаурен Дэмон дарсан байна. Гэрэл зурагчны ярьснаар Миранда Кэррийн сэтгэл хөдлөлийг гаргахын тулд гэрлийн хугарлыг ашигласан байна. Мөн үүнд зориулж нүүр будалт хийжээ.

Лаурен Дэмон “Тэр бол зургийн аппаратны өмнө анх удаа нүцгэн зогсож буй эмэгтэй биш шүү дээ. Би энэ удаад түүний сайхан инээмсэглэлийг тод илэрхийлэхийг хүсээгүй. Энгийн хэрнээ дур булаам төрхийг эдгээр зургаас олж харж болно” гэжээ.

Жүжигчин Орландо Блүүмийн гэргий, Флайн хүүгийн ээж Миранда Кэрр Лондоны олимпийн үеэр “Victoria’s Secret”-ийн дэлгүүрийн нээлтэд оролцсон байна.