Монголын анхны popera гэх тодотголтой “Нюанс” хамтлаг өнгөрсөн оны 12 сард 10 жилийн ойгоо нижгэр тэмдэглэсэн билээ. Харин тэд энэ удаад Олон улсын эмэгтэйчүүдийн баярт зориулан “Бид ээждээ хайртай” тоглолтыг 03 сарын 07, 08-нд УДБЭТ-ын тайзнаа тоглох гэж байна. Энэхүү тоглолтондоо өөрсдийн урын санд байдаг ээжийн тухай олон сайхан дуунуудыг дуулахаас гадна дэлхий нийтээрээ мэдэх ээжүүдэд зориулсан дууг эгшиглүүлэх гэнэ.
“Бид ээждээ хайртай” тоглолтод дуучин Ө.Уянга СТА, Р.Хишигбаяр, Р.Дэлгэрмаа СТА, Баттулга СТА, Түмэн-Өлзий, “Пароди” хамтлаг, акробат, уран нугаралтын “ANGEL” хамтлаг, цэнгээнт бүжгийн “Улаан Сарнай” хамтлаг зэрэг нэр хүндтэй уран бүтээлчид урилгаар оролцон тоглох юм. “Нюанс” хамтлагийн 10 жилийн ойн тоглолтын тасалбар альбом хэлбэрээр гарч байсан бол “Бид ээждээ хайртай” тоглолтын тасалбар 3D-р өвөрмөц хэвлэгдэж байгаа гэнэ. Дашрамд дуулгахад тоглолтыг үзэхээр ирсэн ээжүүдэд улаан сарнай, “Сүү” ХХК-ийн бүтээгдэхүүнийг бэлэг болгон барих аж.
