Италийн суут хөгжмийн зохиолч Ж.Вердийн “Аида” дуурийг Улсын дуурь, бүжгийн эрдмийн театрын уран бүтээлчид энэ сарын 31-нд, ирэх дөрөвдүгээр сарын 1-нд дахин тоглох гэж байгаа. Тэгвэл энэ удаагийн “Аида” дуурийг Америкийн удирдаач Жиндон Кэй удирдах гэнэ. Стэйнфордын их сургуулийн профессор, хөгжим судлаач, удирдаач Жиндон Кэй энэ сарын 21-нд УДБЭТ-ын захирал, хатагтай Б.Сэргэлэнгийн урилгаар дахин Монголд ирэх юм.
Харин УДБЭТ-ын зүгээс энэ сарын 23-нд Америк удирдаач ирсэнтэй холбогдуулан хэвлэлийн хурал хийхээр төлөвлөж байгаа гэнэ.
