Тулаант киноны оддын тоглосон “The Expendables 2” бүтээл Хойд Америкийн “Box office”-ийг орлогоороо тэргүүлж эхэллээ.
Өчигдрийн байдлаар жагсаалтын хоёрдугаарт "The Bourne Legacy" кино бичигдэж байна.
Сильвестр Сталлоне, Арнольд Шварценеггер, Жет Ли, Дольп Люндгрен, Чак Норрис гэх мэт алдартнуудын тоглосон “The Expendables 2” 28.6 сая ам.долларын орлого олжээ. Энэхүү бүтээл 100 сая ам.доллараар бүтсэн юм. 2010 онд гарсан анхны анги нь 80 сая ам.доллараар бүтэж, 247.4 сая ам.долларын орлого олж байв.
Харин жүжигчин Жереми Реннерийн нууц ажилтны дүрийн бүтээсэн "The Bourne Legacy" 17.1 сая ам.доллар олсон гэж AFP уламжлав. “ParaNorman” хүүхэлдэйн кино 14.1 сая ам.долларын орлоготойгоор “Box office”-ын гуравдугаарт бичигдэж байна.
Хойд Америкийн кино чартын зургадугаарт "The Dark Knight Rises" бичигдэж байна. Уг бүтээл өнгөрсөн долоо хоногт 11 сая ам.доллар олжээ. 250 сая ам.доллараар бүтсэн супер баатар Бэтмэний сүүлийн цуврал өнгөрсөн сарын 16-нд нээлтээ хийснээсээ хойш Хойд Америкт 409, дэлхий дахинд нийтдээ 898 сая ам.долларын орлого олсон байна.
Т.Арьяа
