Хайрын дуугаар хослон дуулж рок, попын ертөнцөд өөрийн гэсэн өнгө төрхөөр ялгардаг дуучин О.Анхбаяр, Б.Халиун нар сүүлийн үед эрэлттэй дуучдын тоонд ороод байгаа ажээ.
Монгол даяар найр, наадмын сезон орсон энэ цаг үед хамгийн эрэлттэй байгаагийн гол шалтгаан нь МУГЖ Г.Бүрнээбаярын анх дуулсан хөгжмийн зохиолч, МУГЖ Г.Энхбаярын зохиосон “Сүүн цагаан хурим” дууг дахин шинэчлэн дуулсан явдал юм. Олон жил энэ хоёр дуучин “Сүүн цагаан хурим” дууг байнга дуулж байгаа бөгөөд нэг хуриман дээр барагцаалбал 1-1.5 сая төгрөгөөр дуулдаг гэнэ. Гэвч дуучид маань уг дууны зохиогчоос ямар ч зөвшөөрөл аваагүй бөгөөд мэндийн ч үггүй өнгөрдөг гэнэ. Харин тэд хүний юмаар “хүүдэгнэж”, хэдэн бор төгрөг цуглуулж байгаагаа төдийлөн мэддэггүй бололтой.
