"Зүүн Азийн хүүхдийн урлагийн X их наадам" өчигдер Улаанбаатар хотноо эхлэв.Тус наадмыг ЮНЕСКО-гийн Монголын үндэсний комисс, Хүүхдийн Төлөө Үндэсний газар, Олон улсын хүүхдийн "Найрамдал" төв хамтран зохион байгуулж байгаа юм.
Наадамд Монгол, Хятад, Япон, Солонгос улсын төлөөлөгч хүүхдүүд, гишүүн орнуудын ЮНЕСКО-гийн нарийн бичгийн дарга нар нийт 350 төлөөлөгч оролцох бөгөөд наадамд оролцох хүүхдүүд өчигдөр Монголд ирлээ.
Монгол Улсын Ерөнхийлөгчийн ивээл дор зохион байгуулж байгаа энэхүү наадмын зорилго нь Ази тивд соёлын олон төрөл зүйлийг харилцан сурталчлах, хамгаалах, соёл хоорондын харилцаа холбоог хөгжүүлэх, харилцан ойлголцол, хүндлэлийг бий болгох, энх тайвныг тогтооход хүүхэд, залуучуудын оролцоог нэмэгдүүлэхэд чиглэж байгаа юм.
"Зүүн Азийн хүүхдийн урлагийн X их наадам" энэ сарын 27-ныг хүртэл үргэлжилнэ.
