Монголын анхны загварын телевиз "Загварын суваг”-ийн нээлтэд зориулсан "Forever Fashion" шоу энэ сарын 31-нд болох юм байна. "Нийслэл асар"-т зохиогдох энэ загварын шоунд Франц, Японы нэрт дизайнерууд, загварын салбарын бизнесменүүд оролцох ажээ. Мөн Францын дуучин Ализе Жакоте урилгаар ирж дуу хуураа өргөхөөр болжээ. Шоуны үеэр Францад нэрд гараад буй Монголын загвар зохион бүтээгч ЦолоМөнх буюу М.Цолмандах өөрийн загварын коллекцио толилуулах юм байна.
Дуучин Ализе Жакоте нь поп, рок, хип хоп хэв маягаар дуулдаг бөгөөд чамгүй сайн бүжигчин юм. Тэрээр "Үзэсгэлэнт дуучин" гэдэг нэрээрээ дэлхийд алдаршсан. Сайн санааны үйлсэд бусдыг уриалан дууддаг, хандивын үйл ажиллагаанд идэвхтэй оролцдогоороо олны анхаарлыг татдаг аж. Түүнийг манайхан алдарт дуучин Мадонагийн "Ла Исла Бонита" дууг шинэчилсэн хэлбэрээр дуулснаар илүүтэй мэдэх билээ.
Д.САР
