Холливудын од Анжелина Жоли тун удахгүй зургаан хүүхдээ хамтдаа өсгөсөн Брэд Питтэй гэрлэлтээ албан ёсоор батлуулах гэж байгаа талаар та дуулсан л байлгүй. Сонирхолтой нь түүний энэ баярт өдрийг хуучин нөхрүүд нь ч гэсэн хуваалцаасай гэж үзэсгэлэнт бүсгүй хүссэн байх юм. Түүгээр ч зогсохгүй урьд нь хайр сэтгэлийн холбоотой байсан Жонни Ли Миллер болон Билли Боб Торнтон нар хэдийнэ хуримын урилгаа гардан авсан гэнэ. Хэдийгээр цагийн эрхээр сэтгэл нь хөрж, салж холдон өөр өөрсдийн замыг хөөсөн ч Анжелина Жонни, Билли хоёртой найзууд хэвээр үлдсэн тул ийн урилга илгээсэн аж.
Хуримын бэлтгэл ажил гээд завгүй байгаа энэ өдрүүдэд хуриман дээр хэнийг ирүүлэхээ Жоли өөрөө шийдэж, зочдын нэрсийн жагсаалт гаргаж байгаа бол Брэд ёслолын ажиллагааны зохион байгуулалтыг хариуцаж байгаа гэнэ. Мэдээж асар том цамхгийг чимэглэх, тохижуулахаас авахуулаад л Брэдийн ажил мундахгүй. Гэхдээ хэн нэгнийг мартаж, гомдоохчихгүйн тулд найз нөхөд, танил талаа бүгдийг нэг бүрчлэн тоолж урилга өгөх хүмүүсийн жагсаалт гаргана гэдэг тийм ч амаргүй ажил шүү. Хэрэв та найр хурим хийж байсан бол үүнийг юу эс андахав.
