Монголын урлагийн нэрийг дэлхийд гараж яваа, хөгжмийн зохиолч, төгөлдөр хуурч Б.Чинбат энэ намар буюу ирэх аравдугаар сарын сүүлээр дан хөгжмийн тоглолт хийхээр болжээ. Тэрбээр зөвхөн “Аравт” түүхэн киноны хөгжмийг тайзнаа тоглон үзэгчдэд хүргэхээр төлөвлөөд бэлтгэл ажилдаа хэдийнээ оржээ. Тайз, дэлгэц хосолсон уг тоглолтоо “АСА” циркт хийх бөгөөд тоглолтын зохион байгуулагчаар “On&Off” продакшн ажиллах юм байна. Түүнчлэн "Sweetymotion" хамтлагийнхан уг тоглолтын бүх л зохион байгуулалтанд нь ажиллаж байгаа ажээ. Хэдийгээр манайд энэ төрлийн дан нэг киноны хөгжмөөр тоглолт хийж байсан удаагүй ч тэрбээр дэлхийд алдартай хөгжмийн зохиолчдын жишгээр уг тоглолтоо хийхээр зорьж буй ажээ. Түүний тоглолтод Л.Мөрдоржийн нэрэмжит үндэсний цөөхүүл хөгжимчдийн уралдааны гранпри шагналтай шилдэг ардын хөгжимчид болон ДБЭТ-ын найрал дуучид оролцох аж.
Таныг урлагийн тэнгэр ивээг…
www.urlag.mn Ayu
