Монгол Улсад анх удаа хувцас загвар, гоо зүйн чиглэлээр дагнасан телевиз болох “Fashion Channel” албан ёсны нээлтийн ажиллагаагаа 09 сарын 08нд "Нүхт" цогцолборт хийсэн билээ. Нээлтийн ажиллагааны үеэр эх орондоо төдийгүй олон улсад өөрийн бүтээлээрээ танигдсан загвар зохион бүтээгчид бүтээлээсээ сонирхуулсан юм. Мөн Монголын хамгийн том өндөр өсгийтийг танилцуулжээ. Энэхүү аварга бүтээл нь дөрвөн метр урттай байсан бөгөөд гуталтай хослох бусад хэрэглэлийг ч том хэмжээтэй урласан байжээ. "Монголын загварын суваг" нь загварын ертөнцөд хамаарах 20 гаруй булантай байх бөгөөд эх орныхоо төдийгүй дэлхийн загварын ертөнцийн мэдээ мэдээлэл, бүх төрлийн контентийг 24 цагийн турш тасралтгүй хүргэх ажээ. Ийнхүү “Fashion Channel”-ийн албан ёсны нээлтийн зурагнуудаас та бүхэндээ хүргэж байна.
www.urlag.mn Ayu
