Монголын рок, поп урлагийн үүсэл хөгжилд өөрийн үнтэй хувь нэмэрийг оруулж тэднийхээ дунд “сахал” Пүүжээ хэмээн хүндлэгддэг хөгжмийн зохиолч Г.Пүрэвдоржын “Нандин эрдэнэ” анхны бие даасан тоглолт өнөөдөр “УБ Палас”-ын их танхимд болох гэж байна. Тэрээр та бид түүнийг “Тавтай нойрсоорой”, “Түүдэг гал”, “Нандин эрдэнэ”, “Улаанбаатарын үдэш”, “Мартъя”, “Зөвхөн тэр хайрандаа” зэрэг үе үеийнхний дурсамж хөглөсөн аялгуугаар нь мэдэхээс гадна урлагийн хүрээнд Монголын ууган аранжировшикуудын нэг, шилдэг төгөлдөр хуурч, олон сайхан шавьтай хүн гэдгээр нь хүндэлдэг. 30 жил хүлээлгэсэн түүний анхны тоглолт ийнхүү өнөөдөр болж “УБ Палас”-ын их танхимыг доргиох нээ.
Түүний уран бүтээлийг энэ үдэш “Хөх тэнгэр”, “Black and white”, “Камертон”, “Гурван охин” хамтлагаас гадна Сараа, Ариунаа, Буянаа, Цогоо, Ганхуяг, Сэрчмаа, Наран, Чингис, “Харанга”-ын Лхагваа, “Хурд”-ын Цогоо, “Никитон”-ы Баачка, Баярцэцэг нарын дуучид болон хийлч Дээгий нар эгшиглүүлэх ажээ.
Та ханьтайгаа, хайртай дотны хүнтэйгээ үзэхийг хүсвэл суудлын сонголттой байгаа бөгөөд байршлаасаа хамаараад 20, 25, 30 мянган төгрөгийн ханштайгаар борлуулагдаж байна.
www.urlag.mn Ayu
