Монголын дуулалт жүжгийн түүхэнд нэгэн гайхалтай уран бүтээл нэмэгдэн мэндэлсэн нь Нийслэлийн “Улаанбаатар” чуулгын шинэ уран бүтээл “Гоолингоо” дуулалт жүжиг байж үзэгч түмэнд хүрж өнөөдөр хаалтын тоглолтоо хийх гэж байна.
Хагас зуун саяын өртгөөр бүтэж буй уг жүжгийн зохиолч, найруулагчаар “Монгол туургатан” театрын ерөнхий найруулагч МУСТА С.Баярсайхан, хөгжмийн зохиолчоор МУУГЗ Ш.Аюуш нар ажилласан бөгөөд үндэсний хөгжмийн "Хангарьд" найрал жүжгийн хөгжмийг амьдруулсан ажээ.
Жүжгийн гол дүрүүдэд: М.И.Глинкийн нэрэмжит олон улсын дуурийн дуу дуулаачдын тэргүүн байрын шагналт цагдаагийн "Сүлд" чуулгын гоцлол дуучин, МУГЖ Г.Ариунбаатар, УДЭТ-н жүжигчин МУСТА Г.Отгонцэцэг нар тогложээ.
Тус жүжиг монголын сонгодог урлагийн тод илрэл болсон гайхалтай уран бүтээл болж чадсан нь үзэгчдийн тоглолтын дундуур тасралтгүй таших нэжигнэсэн алга ташилтнаас мэдрэгдэж байлаа.
Үнэхээр жүжигчдийн хувцас хэрэглэл, тайз дэлгэц, гэрэл шуум гээд бүх л зүйлсийг зөвхөн энэ жүжигт зориулан бүтээсэн нь үзэгчдэд уучлал ухаарал, хайр энэрэл, амьдралын баяр гуниг, түүхийн үнэн худлыг үзэж харах боломжыг олгосон урлагийн сайхныг мэдрүүлсэн жинхэн урлагийн сор бүтээл болж чадсан байлаа.
Иинхүү монголын сонгодог урлагийн тод илрэл болсон “Гоолингоо” дуулалт жүжгийн хаалтын тоглолт өнөөдөр 19:00 Нийслэлийн "Улаанбаатар" чуулгын тайзнаа болно
Та бүхнийг урлагийн тэнгэр ивээх болтугай…
www.urlag.mn
