Оскарын шагналт найруулагч Сейм Мендесийн найруулж буй Жеймс Бондын сүүлийн цуврал “Skyfall” бүх цаг үеийн хамгийн төгс хувилбар байх болно гэж кино шүүмжлэгчид найдлага тавьж байна. Британийн Геофри Нейб тэргүүтэй кино шүүмжлэгчид Жеймс Бондын өмнөх цувралууд тухайн цаг үедээ үзэгчдийг байлдан дагуулж, шилдэг нь байж чадсан учраас сүүлийн цуврал нь ч хамгийн төгс байна гэсэн хүлээлтийг бий болгоод байна. Энэхүү хүлээлтэд нөлөөлсөн зүйл нь дуучин Адель “Skyfall”-ийг дуулсан явдал юм хэмээн кино шүүмжлэгчид үзжээ.
Аделийн “Skyfall” Жеймс Бондын бас нэгэн чимэг байх болно хэмээн “Time” сэтгүүлд Америкийн нэрт кино шүүмлэгч Кейт Мьюр мэдэгджээ. Хамгийн сүүлийн цувралд жүжигчин Даниэйль Крейг тоглож байгаа бөгөөд тэрээр ийнхүү сүүлийн гурван цувралд тоглож байгаа юм. Жеймс Бондын сүүлийн цуврал Их Британид энэ сарын 26-нд албан ёсоор нээлтээ хийнэ.
