Урлаг.мнУрлаг.мн
  • Дуу хөгжим
  • Театр
  • Хөгжим
  • Утга зохиол
  • Язгуур урлаг
Facebook Twitter Instagram
Урлаг.мнУрлаг.мн
  • Дуу хөгжим
  • Театр
  • Хөгжим
  • Утга зохиол
  • Язгуур урлаг
Facebook Twitter Instagram
Урлаг.мнУрлаг.мн
Урлаг.мн»Уртын дуу»Уншигчийн театрын тоглолт болно
Уртын дуу

Уншигчийн театрын тоглолт болно

Урлаг Урлаг05/11/2012Сэтгэгдэл байхгүй2 минут уншина
Facebook Twitter LinkedIn Имэйл Telegram WhatsApp
6196504148480051192012-11-05-22-14[www.urlag.mn].jpg
Share
Facebook Twitter LinkedIn Pinterest Имэйл

“Глоб Интернэшнл” төрийн бус байгууллага 2012 оны 11 дүгээр сарын 7-ны өдрийн 17.30 цагаас “Блэк Бокс” театрт Уншигчийн театрын тоглолт зохион байгуулах гэж байна. Уншигчийн театр (reader`s theatre) буюу тавилттай уншлага (staged reading) гэдэг нь аливаа жүжгийн зохиолд зориулан тайз засаж, тусгай хувцах өмсөн, гэрэл тавихгүй, зөвхөн хөгжим ашиглан жүжиглэлтэд анхаардаг театрын үзвэрийн нэг хэлбэр юм.

Тус байгууллага нь 2012 оны 6 дугаар сараас эхлэн Олон улсын чөлөөт илэрхийллийн сүлжээ IFEX байгууллагын дэмжлэгтэйгээр “Aсууя!” кампанит ажил өрнүүлж байгаа билээ. Кампанит ажил нь хүний нэр төртэй холбоотой гомдлыг эрүүгийн хуулиар хүлээн авч шийдвэрлэхийн эсрэг улс төрчдийн хүсэл зоригийг тандах зорилготой юм. МАН, ИЗНН, ИХН Эрүүгийн хуулийн гүтгэлэг, доромжлолтой холбоотой дээрх хоёр заалт сэтгүүлч, хэвлэл мэдээллийн байгууллагыг айлган сүрдүүлэх, дарамтлах цензур болон ашиглагдаж байгааг хүлээн зөвшөөрч, “уг заалтыг халж, Иргэний хуулиар шийдэх нь зүйтэй” гэсэн саналыг бүрэн дэмжиж байгаагаа илэрхийлсэн билээ. Мөн АН, МАХН-ын цөөнгүй гишүүд дэмжиж, санал зөвлөмжөө ирүүлсэн юм.

“Асууя!” кампанит ажлын хүрээнд хүний нэр төрд халдсан гэсэн үндэслэлээр хэрэгт холбогдож буй сэтгүүлчдийн бодит жишээн дээр үндэслэн бичсэн “Том ах”, “Хожимдоогүй” жүжгүүдийн тавилттай уншлага зохион байгуулагдана.

Дээрх хоёр жүжгийн зохиолыг жүжгийн зохиолчдын сургалтад оролцсон уран бүтээлчид Х.Наранжаргал багшийн удирдлага дор бичжээ.

“Том ах” жүжгийн зохиолыг Т.Бум-Эрдэнэ, П.Одгэрэл Д.Амарсайхан, Б.Сайнбилэг нар бичиж гол утга санааг “Хүний нандин чанар ухаарал сэхээрлийн учиг дээр оршино” хэмээн тодорхойлжээ.

“Хожимдоогүй…” жүжгийн зохиолын багт Б.Батзориг, С.Сумъяа, М.Сүхбаатар нар ажиллан жүжгийнхээ гол утга санааг “Хэн байх нь хамаагүй, зорилго сэтгэл нэгдэж чадвал хэзээ ч хожимдохгүй…” гэсэн агуулгад зангидсан байна.

Дээрх хоёр жүжгийг МУСГЗ, найруулагч Б.Мөнхдоржийн удирдлага дор “Гацуурхан” театрын уран бүтээлчид болон Жигжидийн нэрэмжит КУДС-ийн оюутнууд тавилттай уншлагын бүтээл болгон үзэгч олноо өргөн барих гэж байна.

Хуваалцах. Facebook Twitter Pinterest LinkedIn Tumblr Имэйл
Урлаг
  • Вэбсайт

Төстэй нийтлэл

Дотоод мэдээ Урлаг

Д.Мөнх-Эрдэнэ нутгийн дүүгийнхээ тоглолтыг үзнэ

16/01/2024
Дуу хөгжим Урлаг

“The HU” хамтлаг дэлхийн алдарт дуучин LP-тэй хамтарч дуу хийжээ

03/07/2023
Уртын дуу Урлаг

Монголчууд “Нүүдэлчин” соёлоороо дэлхийд дахин алдарших эхлэл тавигдлаа

16/08/2022

Сэтгэгдэл хаалттай

Сүүлд нэмэгдсэн

“Гэгээн Муза-18” олон улсын театрын наадмын шилдгүүд тодорлоо

25/05/2025

Оросын алдарт балетмейстер Юрий Николаевич Григорович 98 насандаа таалал төгсжээ

24/05/2025

“Squid Game -3” зургаадугаар сарын 27-нд цацагдахаар болжээ

23/05/2025

“Тэнгэр ээж минь өршөө” гэрэлт хөшөөний нээлт боллоо

23/05/2025

ADAM: Үзэгчдэдээ хамгийн сайхан тоглолт үзүүлэхийг зорьж байгаа

23/05/2025
Дараахи
Facebook Twitter Instagram Pinterest
  • Бидний тухай
  • Холбоо барих
© 2009-2025 зохиогчын эрх хуулиар хамгаалагдсан.

Хайх утгаа бичээд Enter дарна уу. Болих бол Esc дарна уу.