Өнгөрсөн 10 дугаар сарын 26-28-ны хооронд арлын Япон улсын Нагоя хотод Японы Гэмтэл Согогийн Эмч нарын Холбооны 27 дугаар их хурал зохион байгуулагдсан байна. Дөрвөн жилд нэг удаа зохиогддог төдийгүй Япон улсын олон олон эмч мэргэжилтнүүдийг эгнээндээ нэгтгэсэн олон улсад дээгүүрт тооцогддог энэ байгууллагын хүндтэй хуралд Монгол улсаа төлөөлж дуучин Ч.Цэлмүүн амжилттай оролцоод иржээ.
Энэхүү үйл ажиллагаанд ач холбогдол өгч түүнтэй хамт Япон улсад суугаа Онц бөгөөд Бүрэн эрхт Элчин сайд С.Хүрэлбаатар, Монголын нэр хүнд бүхий Гэмтэл Согогийн эмнэлгийн захирал, Гавъяат эмч С.Отгонгэрэл, дуучин Оюунтүлхүүр зэрэг төлөөлөгчид оролцжээ.
Дуучин Ч. Цэлмүүн өмнө нь Солонгос, Малайз улсуудад зохион байгуулагдсан олон улсын хэмжээний их хурлуудад урилгаар дуулж, Монгол улсынхаа нэр хүндийг өндөрт гаргаж, олон улсад залуу дуучныхаа хувьд үнэлэгдэж байгааг дурьдахад таатай байна.
