Хүүхдийн хэмээн алдаршсан зохиолч Ц.Түмэнбаяр “Сумтай үзэг” өгүүллэгээсээ сэдэвлэн бүтээсэн “Мөрөөдлийн үзэг” хүүхдийн драмын жүжиг хүүхэд багачуудын амралтын өдрүүдэд нээлтээ хийнэ тайзнаа амилсан билээ. Тус жүжгийн Зохиолч, продюссерээр Ц.Түмэнбаяр ерөнхий найруулагчаар Ардын жүжигчин, Урлагийн гавьяат зүтгэлтэн Б.Мөнхдорж, телевизийн найруулагчаар МУСГЗ Б.Жаргал, хөгжмийн зохиолчоор Төрийн шагналт Б.Мөнхболд, тайзны зураачаар "Гэгээн Муза"-гийн эзэн О.Баярмагнай, ассент найруулагчаар Г.Содбилэг нар ажилласан юм. Жүжигт "Хөх гацуурхан" театрын жүжигчид оролцон тоглож байгаа бөгөөд энэ жүжгээрээ театрынхаа албан ёсны нээлтийг хийсэн ажээ.

Тус жүжиг нь шилжлтийн үе болох 12-15 насны хүүхдийн сэтгэхүйн онцлогт тохируулан бүтээсэн жүжиг юм байна. Ер нь ахлах ангийн юм уу эсвэл бүр бага анги, бага насны хүүхдэд зориулсан бүтээл их байдаг тул энэ удаа хамгийн эгзэгтэй насныханд зориулсан бүтээлээр жүжиг тавьж байгаагаараа онцлог гэнэ.

Ийнхүү 13-16-ны өдрүүдэд  Нийслэлийн “Улаанбаатар” чуулгын тайзнаа тоглогдсон “Мөрөөдлийн үзэг” хүүхдийн драмын жүжгийн зурагнуудаас та бүхэндээ хүргэж байна.