Монголын загварын ертөнцийн гоё сайхныг үзэгч, үйлчлүүлэгчдэд мэдрүүлж байдаг өндөр зэрэглэлийн “Cashmere Workshop” шоу өнөөдөр болох гэж байна. Үйлчлүүлэгч, хэрэглэгчиддээ шинэ жилийн бэлэг болгон жил бүр уламжлал болгон шинэ загвараа танилцуулдаг тус брэнд тансаг зэрэглэлийн ноолууран даашинзаараа алдартай. Тэд 2013 оны шинэ загварын дээжисээ ийнхүү өнөөдөр болох загварын шоугаараа танилцуулах ажээ.
Энэ шоунаас эрхэмсэг хатагтай нар шинэ жилийн гоёлоо сонгох боломжтойн дээр дахин давтагдашгүй байдлыг мэдэрдэг бөгөөд шоунд зориулан Францын үнэт торго, торон материалуудыг харин Австриас шинэ загварын Сваровский шигтээг тусгайлан захиалж авчирдаг. Сонирхуулахад дээрх торон материалуудыг дэлхийн шилдэг дизайнерууд өндөр зэрэглэлийн хуримын даашинздаа ашигладаг юм байна. Ийнхүү ноолууран бүтээгдэхүүнийг тансаг зэрэглэлд хүргэсэн “Cashmere Workshop” брэнд 2013 оны шинэ загвараа тун удахгүй худалдаанд гаргах нээ.
“Cashmere Workshop” шоу “Кемпински Хаан палас”-т 12 сарын 01-нд буюу өнөөдөр 18-н цагаас болох юм байна.
