МЗЭ-ээс жил бүр уламжлал болгон зохиож оны шилдэг яруу найраг, шилдэг шүлэгчийг тодруулдаг их наадам “Болор цом-30” анхлан 1983 онд зохиогдсон цагаас хойш өдгөө 30 дахь жилийнхээ босгыг алхаж байна. Энэ удаагийн наадмын эцсийн шалгаруулалтад яруу найрагч Б.Галсансүх, Ай.Төмөр-Очир, О.Цэнд-Аюуш, Б.Мягмаржав, Н.Гантулга нар шалгарсан юм. Энэ үеэр “Болор цом-30” наадмын залуу авъяаслаг яруу найрагчийн шагналыг яруу найрагч С.Начинд хүртээлээ. Мөн яруу найрагч Д.Энхболдбаатарын охин Э.Сударчулууны шүлгүүдийг “Болор цом” наадмын зохион байгуулагчид өндрөөр үнэлж залуу яруу найрагчийн шагнал хүртээв.
Улсын драмын эрдмийн театрт болсон энэ удаагийн наадмын тэргүүн байрыг яруу найрагч Н.Гантулга "Уулсын сэтгэлгээний тэлэлт" шүлгээрээ хүртлээ.
Дэд байрыг яруу найрагч Б.Мягмаржав хүртсэн бөгөөд түүний шагналыг Мэргэжлийн сүмо бөхийн 68 дахь их аварга Асашёорюү Д.Дагвадорж гардуулав. Гуравдугаар байрт залуу яруу найрагч О.Цэнд-Аюуш шалгарсан бол модернист яруу найрагч Б.Галсансүх дөрөвдүгээр байр, яруу найрагч Ай.Төмөр-Очир тавдугаар байр эзэлсэн юм.
Та бүхнийг уралгийн ттэнгэр ивээг…
www.URLAG.mn
