Киви хамтлагийн ахлагч Ука 1979 оны 11 сарын 6-ны өдөр төрсөн, хилэнцийн орд. Одоо 33 настай, 170 см өндөр, 52 кг жинтэй. Ука багын нь л урлагийн хүн болохыг хүсдэг байжээ. Цэцэрлэгт байхдаа шалныхаа модыг хөгжим болгон барьчихаад дуулж бүжиглэдэг байсан гэнэ лээ.Нийслэлийн 44-р сургуулийг төгссөн тэрбээр бага, дунд сургуульд байхдаа урлагийн үзлэг, тэмцээн уралдаануудад амжилттай оролцдог байсан. Тэр үеэс л урлагийн хүн болохоор шийдсэн гэдэг. Ука СУИС-д сурч, жүжигчин болохыг хүсчээ. Гэхдээ ээж аавынхаа зөвлөгөөг дагаад гадаад хэлний "Орхон" дээд сургуульд орсон. Эцэг эх нь "Чи хэл сайн сурч европжуу төрхөө ашиглаад орчуулагч болвол зүгээр" гэж зөвлөснөөр Ука хэлмэрч, нарийн бичгийн даргын ангид орсон байна. Гэвч нэг жил сураад энэ буруу сонголт гэдгийг мэджээ. Тэгээд хэнд ч хэлэхгүйгээр чимээгүйхэн хувийн хэргээ аваад СУИС-ийн жүжигчний ангид элсэлтийн шалгалт өгсөн. Харамсалтай нь хоёр дахь шатны шалгалтдаа тэнцээгүй уначихжээ. Гэхдээ шалгалтад унасан нь түүнд өөр оргилыг нээж өгчээ. Ангирмаа багшдаа СУИС-ийн шалгалтад тэнцээгүй гэдгээ хэлэхэд "Nature sounds"-даа бүжгийн багшаар үлдэхийг санал болгосон байна. Ука “Киви” хамтлагт орох анхны алхмаа хийсэн нь энэ байлаа. Ийнхүү Монголдоо л толгой цохих охидын хамтлагийн ахлагч болж, олонд танигдсан дуучин болсон түүхтэй. Дуучин бүсгүй энэ жил 35 настай бөгөөд наснаасаа залуу сайхан харагдаж байна.
FACTnews.mn
