СУИС-ийн эстрад дуулаачийн ангиас төрж гарсан хамтлаг дуучид олон байдаг ч ”Мотив” хамтлаг шиг эрч хүчтэй залуусын төдийгүй дунд үеийнхний зүрх сэтгэлийг байлдан дагуулж буй хамтлаг ховор юм. Хэдийгээр манайд boy band хамтлагууд цөөнгүй байдаг ч уран бүтээл туурвиад олонд танигдаад ирэхээрээ тус тусын уран бүтээлийг хөөдөг болсон нь гэм биш зан болоод байгаа билээ.
Тэгвэл “Балхжавын дууг хэн сайн дуулах вэ?” шоу уралдаанд амжилттай оролцож уран бүтээлийн гараагаа эхэлсэн “Мотив” хамтлаг тун удахгүй 2 дахь CD-ныхээ баярыг хийх гэж байна. Тэдний “Чамдаа”, “Хайрын гэгээ”, “Цасан бороо”, “Уучлалт гуйхыг минь хүлээж байна уу” зэрэг олон дуу нь хит болоод зогсохгүй өнгөрсөн намар гаргасан анхны цомог нь эрэлт ихтэй байсан нь тэднийг хэр хөдөлмөрч гэдгийг тодхон харуулж байгаа юм.
“Мотив” хамтлагийн хоёр дахь бие даасан цомог “Exclusive” цомог худалдаанд гарсан бөгөөд тун удахгүй 2 дахь CD-ний баяраа хийхээр төлөвлөжээ. Цомогт уянгын болон үзэгч, сонсогчдод эрч хүч мэдрүүлэх хэмнэлтэй шинэ дуунууд орсон аж. Энэ цомгийн ихэнх дууны үгийг хамтлагийн ахлагч Б.Эрдэнэбаяр бичсэн байна. Уг цомогт ерөнхий спонсороор Exclusie хувцас загварын товчоо, гэр бүлийн Sweet amuka сэтгүүл, IC Create Division гэрэл зургийн студи зэрэг байгууллагууд хамтран ажилласан байна. CD 15000 төгрөгний үнэтэйгээр “Hifi” CD shop болон “UBS” CD shop-оор худалдаалж байгаа юм.
urlag.mn
