Их зохиолч Д.Нацагдоржийн “Үйлийн гурван толгой” зохиолоос сэдэвлэсэн “Учиртай 3” уран сайхны кино орчин үеийн амьдралыг түүхэн цаг хугацаатай хослуулж, сэтгэл хөдлөм хайрын тухай өгүүлэх болно. Чадварлаг зохиолч болж кино урлагт нэрээ мөнхлөх мөрөөдөлтөй Хангай (О.Амгаланбаатар), хайртай хүнээ сэтгэлдээ тээж нууцхан мөрөөдлөө өөртөө хадгалах Намуунаа (З.Онон),
мөнгө бүгдийг шийддэг гэдэгт бат итгэдэг баян айлын хүү Баяраа (Б.Баттөмөр),харин мөнгө байсан цагт бусад нь хамаагүй мэт санадаг сайхан бүсгүй Учрал (Б.Сайнаа) нарын хайрын гурвалжин, анд нөхдийн холбоо, атаа жөтөө, хуурамч сэтгэл энэ бүгд Хангайгийн зохиолд биелэлээ олно.Төөрөлдөж явсан Хангай эцсийн бүлэгт бүгдийн утга учир нь үнэнч хайр сэтгэл, өөдрөг мөрөөдөл, аяъяас билэгт оршдог болохыг ойлгоно. Адал явдал, тэвчээр хүлээлт, харуусал, амьдралын мөн чанар энэ бүгд хэзээ ч хуучрашгүй, сэтгэл догдлом ”Учиртай 3” кино юм.
Хангай буюу Юндэн /О.Амгаланбаатар/
Тэрээр кино зохиолч болохоор ажиллаж байгаа залуухан уран бүтээлч. Гэвч түүний анхны зохиол продюсеруудад таалагдсангүй. Гэхдээ тэрээр шинэхэн танилцсан сайхан бүсгүй Намуунаагаас уран бүтээлийн онгодоо олж шинэ зохиолоо бичнэ.
Учрал буюу Нансалмаа /Б.Сайнаа/
Хөөрхөн төрсөн тэрээр сайхан залуутай учирч, баян тансаг амьдрахыг хүсдэг. Тэр хэдийгээр царайлаг сайхан залуутай танилцсан хэдий ч түүнд мөнгө байсангүй. Тиймээс түүнд мөнгөтэй нууц амраг хэрэгтэй болжээ.
Баяраа буюу Балган /Д.Баттөмөр/
Тэр бол баян айлын хүү. Найруулагч болж кино хийх хүслээр тэр ааваасаа мөнгө авахаар болно. Мөнгөөр бүхнийг шийдэж болно гэсэн бодолтой нэгэн. Нэлээн хүүхэмсэг нөхөр.
Намуунаа буюу Хоролмаа /З.Онон/
Хангайгийн багын найз. Хэдийгээр Хангайд хайртай хэдий ч сэтгэлээ илэрхийлж чадахгүй сэтгэлдээ хайрласаар яваа бүсгүй.
