Дэлхийн сая сая хүмүүний шүтээн болж чадсан “Gangnam Style” буюу реппэр "PSY" Өмнөд Солонгосын Ерөнхийлөгч Пак Кын Хегийн ирэх хоёрдугаар сарын 25-нд болох тангараг өргөх ёслолд ая дуугаа өргөхөөр болжээ. Уг арга хэмжээнд 60 мянга гаруй хүн оролцох бөгөөд эрх баригч “Сэнури” намын нэр дэвшигч Пак Кын Хе нь алагдсан дарангуйлагч генералын охин бөгөөд арванхоёрдугаар сарын 19-нд Өмнөд Солонгосын ерөнхийлөгчөөр сонгогджээ. Тэрбээр энэ улсыг толгойлох анхны эмэгтэй ерөнхийлөгч билээ. Реппэр PSY (жинхэнэ нэр нь Пак Чэ Сан) 2012 онд “Gangnam Style” дуугаараа дэлхий нийтийг байлдан дагуулсан. Тус дууны видео клип нь "YouTube" сүлжээгээр нэг тэрбум гаруй хандалт авч, түүхэн дээд амжилт тогтоогоод байгаа юм.
www.URLAG.MN
