Попын хатан хаан хэмээн хүндлэгдэж ирсэн Уитни Хьюстоныг мөнхлөн үлдээх соёлын үнэт хөшөө, дурсгалууд олны хүртээл болсон билээ. Харин нэрт дуучныг алдаршуулах өөр нэгэн бүтээл 200 жилийн түүхтэй Лондон хотын “Madame Tussauds” музейд хадгалагдаж байгаа ажээ. Эдгээр үзмэрт түүнийг дүрсэлсэн дөрвөн ширхэг лааны тосон баримал багтсан байна. Уг баримлуудыг музейн “Tussauds” студид бүтээжээ. Тус музейн хувьд анх удаа нэг хүний лааны тосон баримлыг ийм олон янзаар урласан нь энэ ажээ.Хьюстоны ахын эхнэр бөгөөд менежер Пэт Хьюстон эдгээр лааны тосон баримлуудын талаар сэтгэгдлээ хуваалцаж, “Madame Tussauds” Хьюстоны 30 жилийн уран бүтээлийн замналыг дөрвөн өөр янзаар харуулсан, үнэхээр сэтгэл хөдлөм бүтээлүүдийг олон нийтэд харуулж, танилцуулж байгаад маш баяртай байна. Өвөрмөц, содон баримлууд нь нэрт дуучны гэр бүл, ойр дотныхон төдийгүй түүний хөгжим сонирхогч олон мянган фэнүүдэд хамгийн сэтгэл хөдөлгөм бэлгүүдийн нэг боллоо” гэжээ. Баримлуудыг удахгүй өөр хотуудад олны хүртээл болгох юм байна. Вашингтон хотын төв талбайд Хьюстоны лааны тосон баримал удахгүй олны хүртээл болох болохоос гадна Лас-Вегас, Нью-Йорк хотуудад мөн гарах аж.
www.URLAG.mn
