Монгол Улсын Ерөнхийлөгчийн ивээл дор хэрэгжиж буй Үндэсний бүтээн байгуулалт “Их Майдар” төслийн хүрээнд “Моушн Фрейм” компанитай хамтран хүүхэд, залуучуудад зориулан Америкийн Марвел комик цувралуудын стандарт шаардлагад нийцсэн “Майдар” нэртэй комикийг 108 цувралаар гаргахаар төлөвлөсний дагуу уг комикийн анхны цувралын албан ёсны нээлт ёслол төгөлдөр болж өндөрлөлөө. “Майдар” цуврал комик нь хүүхэд, залуучуудад Монгол ёс заншил, соёл уламжлалыг таниулж, зөв ёс зүйг төлөвшүүлэх, манга болон комик номны хөгжлөөр дамжуулж тэдэнд гоо зүй урлаг уран сайхны боловсролыг олгох ач холбогдолтой цуврал зурагт ном юм.
Тус нээлтэнд Их Майдар сангийн ерөнхий зөвлөх, УГЗ, зураач, дизайнер Д.Эрдэмбилэг, Нийслэлийн Соёл Урлагийн газрын дарга Б.Батцэнгэл, Монгол Улсын Соёлын Гавьяат зүтгэлтэн Г.Мэнд-Ооёо зэрэг урлаг уран сайхны уран бүтээлчид оролцлоо.Энэхүү комикийг бүх номын дэлгүүр болон супермаркетуудаар өнөөдрөөс эхлэн худалдаалж эхлээд байна.
www.URLAG.mn
