Өөрийн үнэнч фэнүүдээ "Бяцхан мангасууд" хэмээн нэрлэдэг дуучин Лэди Гага тэргэнцэртээ ч нэр өгөөд амжжээ Дуучин бүсгүйг саяхан яаралтай мэс засалд орох болсон тухай албаны төлөөлөгч нь мэдэгдсэн. Тиймээс ч Лэди Гагагийн аялан тоглолт цуцлагдаж, бяцхан мангасууд нь гонсойход хүрсэн юм.Лэди Гага гуяны хагалгаанд орох болсон бөгөөд хөл нь гэмтсэн түүнд юу юунаас илүү тэргэнцэр хэрэгтэй байгаа нь мэдээж. Хэдхэн хоногийн өмнө Гага бүсгүй өөрийн хэрэглэж байгаа тэргэнцрийн зургийг твиттер хуудсандаа нийтэлжээ. Харин өөдрөг, эрч хүчтэй дуучин бүсгүй маань тэргэнцэртээ аль хэдийнэ нэр өгөөд амжжээ. Түүний тэргэнцрийг "Эмма" гэдэг бөгөөд тэр зургандаа Энэ бол "Эмма" хэмээх тайлбар бичсэн байв.
