Кристофер Вальц анхны Оскарын эзэн боллоо.

Лос-Анжелес хотын “Dolby” театрт Монголын цагаар өнөөдөр өглөө 09.30 цагт эхэлсэн Кино академийн дээд шагнал гардуулах 85 дахь удаагийн ёслолын анхны шагналтнаар жүжигчин Кристофер Вальц тодорлоо. Өнөө жилийн Оскарын анхны ялагчийг Шилдэг туслах дүрийн эрэгтэй жүжигчин номинацид тодруулсан юм. Уг номинацид Алан Аркин /Argo/, Роберт де Ниро /Silver Lining Playbook/, Филипп Сеймур Хоффмэн /The Master/, Томми Ли Жонс, /Lincoln/, Кристофер Вальц /Django Unchained/ нар өрсөлдсөнөөс Австри-Герман гаралтай жүжигчин Вальц “Django Unchained” киноны Доктор Кинг Шульцийн дүрээр Оскар гардлаа. Тэрбээр өмнө нь 2010 оны Оскарын наадмаас Квентин Тарантиногийн бүтээл “Inglourious Basterds” кинонд бүтээсэн дүрээр мөн шилдэг туслах жүжигчний шагнал хүртэж байсан юм.

Мөн энэ үдэш “Walt Disney”-н бүтээл “Paperman” Богино хэмжээний шилдэг энимешн киногоор тодорсон бол тус кино студийн бүтээл “Brave” мөн Шилдэг энимешн кино номинацид шилдгээр шалгарлаа.85 дахь удаагийн Оскарын шагнал гардуулах ёслол үргэлжилж байна.