Монгол Улсын Ерөнхийлөгчийн тамгын газар, ССАЖЯ, “Тархан суурьшсан монголчууд” ТББ, “Монголын архитекторуудын эвлэл” хамтран уран зургийн галерейд “Эзэнт гүрний соёлын дурсгалууд” гэрэл зургийн үзэсгэлэнг энэ сарын 28-наас ирэх гуравдугаар сарын 18-ны өдрүүдэд зохион байгуулахаар болжээ. “Хаан түүхт Монголчууд” хөтөлбөрийг хэрэгжүүлэгч “Тархан суурьшсан Монголчууд” байгууллага нь Иран, Ирак, Афганистан, Казахстан, Узбекистан, Киргизстан зэрэг улсад судалгаа, зураг авалтаар ажиллажээ. Үзэсгэлэнд Монголын эзэнт гүрний байлдан дагууллын үеийн бүтээн байгуулалт болон түүхтэй холбоотой хот тосгод, хөшөө дурсгал түүхэн газруудын талаарх сүүлийн 10 жилийн хугацаанд авсан 100 мянгаад гэрэл зургаас 80 гаруй гэрэл зураг, 50 гаруй зоосон мөнгийг дэлгэн сонирхуулна. Үзэсгэлэнгийн нээлт энэ сарын 28-нд Уран зургийн галерейд болох бөгөөд үзэсгэлэнг олон нийтэд үнэ төлбөргүй үзүүлэх гэнэ.
www.URLAG.mn
