Хүн төрөлхтөн хөгжихийн хэрээр боломжгүй зүйл гэж үгүй болж байна. Учир нь нана технологи бий болсноор 3 хэмжээст технологиуд хүчээ авсаар. Тэр дундаа 3D хэвлэх технологи хамгийн хурдацтай хөгжиж байгаа бөгөөд хамгийн сүүлд 3D-ээр ургийг хэвлэж, хиймэл эд эрхтэн хүртэл хэвлэн хэрэглэх болсон билээ. Тэгвэл одоо бид 3D-ыг өдөр тутмын амьдралдаа бүр агаарт хүссэн дүрс хэлбэрээ бүтээж хэрэглэх боломжтой болжээ. Америкийн “Wobbleworks” компани 3D хэвлэгч бүхий “ 3D Doodler” хэмээх анхны үзгийг бүтээсэн байна. 3D үзэг нь цэнэглэсэн хуванцарыг 270 хэмд хайлуулан, бичил сэнс бүхий үзэгний хошуугаа гаргах зарчмаар ажиллах бөгөөд зураг зурахдаа эхлэх цэгээ хөдөлгөөнгүй ямар нэгэн биет дээр авч, уг цэгээсээ үргэлжлүүлэн агаарт хүссэн зургаа зурах аж. Зохион бүтээгчид шинэ бүтээлээ ирэх аравдугаар сараас 75, 99 болон 125 ам.долларын үнэтэйгээр худалдаанд гаргахаар төлөвлөжээ.
