Т.Амина олон улсын дуулаачдын тэмцээний тэргүүн байрт шалгарлаа. ОХУ-ын Буриад Улсад болсон “Белый месяц-2013” олон улсын дуулаачдын уралдаанд дуучин Т.Амина амжилттай оролцож тэргүүн байрт шалгарлаа. Уралдааны тэргүүн байрт хоёр дуучин шалгарсан бөгөөд Буриадын Б.Мария мөн тодорсон байна. Харин тэмцээний Гран-приг Солонгосын дуучин хүртжээ. Уралдааны сүүлийн шалгаруулалт Буриадын театрт болсон байна. Якутаас оролцсон Ника дэд байрт, Казахстаны Асэт Али, БНХАУ-ын дуучин Эрхэмбат нар удаах байрт шалгарчээ. Олон улсын уралдаанд 32 орны дуучин оролцжээ. Тус тэмцээнд ихэвчлэн Евро Азийн дуучид оролцдог байна.Тэмцээнд 18-35 насны дуучид оролцох эрхтэй байдаг ажээ.Хөгжмийн ертөнцөд амжилт дагуулсан дуучин бүсгүйдээ урлагийн өндөр амжилт хүсэн ерөөе.
