Монголын дизайнерууд эх орноо төлөөлөн Дэлхийн хэмжээний томоохонд тооцогдох загварын долоо хоногт өөрсдийн уран бүтээлүүдээ танилцуулдаг болоод удаагүй байна. Тэдний үргэлжлэл болж “Katya.Zol” брэндийг үүсгэн байгуулагч дизайнер Г.Золцэцэг анх удаа эх орноо төлөөлөн АНУ-ын Нью-Йоркийн загварын долоо хоногт оролцсон билээ. “Katya.Zol” брэнд нь Монголын загварын чиг хандлагыг дэлхийн тавцанд таниулж, дэлхийн түвшинтэй мөр зэрэгцэн яваа гэдгийг харуулах зорилготой байсан бөгөөд Монгол төрхийг илтгэсэн эрхэмсэг, хээнцэр загваруудаа нарийн ур хийц бүхий чимэг зүүлттэй хослуулан танилцуулсан юм.
Дэлхийн тайзнаа өөрийн бүтээлээ танилцуулсан дизайнер Г.Золцэцэг тэргүүтэй уран бүтээлчдийн баг монголчууддаа “New York Fashion show in Mongolia” шоугаа толилуулсан билээ. Энэхүү шоуны багт АНУ-д дизайнерын их сургууль төгссөн стилист, загвар зохион бүтээгч Д.Энхмаа нүүр будагч Э.Эрдэнэсувд нар багтсан байсан бөгөөд тэд хамтдаа Америк дахь загварын долоо хоногт хамтран оролцсон юм. Энэхүү загварын шоуны хоёр дахь үзүүлбэрээр загвар зохион бүтээгч Д.Энхмаагийн уран бүтээлүүд гарсан бөгөөд олны талархалыг ихэд хүлээсэн юм.
Дэлхийн загварын ертөнцийн томоохон шоунуудын нэгд тооцогдох New York Fashion show-ийг эх орондоо танилцуулсан уг арга хэмжээнд монголдоо төдийгүй дэлхийд танигдсан загвар өмсөгчид, урлаг соёлын одууд, олны танил эрхмүүд хүрэлцэн ирж, үзэж сонирхсон юм.
Ингээд та бүхэндээ “New York Fashion show in Mongolia” шоуны фото зурагнуудаас толилуулж байна.
www.URLAG.mn
