Монгол улсын гавъяат жүжигчин гэх эрхэм хүндтэй цолыг хүртэж уран бүтээлээрээ ард түмнийхээ хайр хүндэтгэлийг хүлээсэн Ч.Бат-Эрдэнэ сүүлийн жилүүдэд алс холын Ирландад урлагийн менежментийн чиглэлээр сурах болсноор дуунд дуртай монголчуудаа хэсэг зуур хүлээлгээд байсан билээ. Жилдээ хоёр удаа монголдоо ирдэг тэрбээр хамгийн сүүлд буюу өнгөрсөн намар дуучин Д.Намсрайноровын тоглолтыг зохион байгуулахаар ирээд буцсан. Тэгвэл энэ удаад тэрбээр “Монголын тухай” нэртэй өөрийн бие даасан тоглолтыг үзэгч, сонсогчиддоо хүргэж, “цангааг нь тайлахаар” шийдсэн бололтой. Тиймээс түүний дуу хоолойг санасан үзэгчид, фэнүүд нь тун удахгүй гавъяаттайгаа дуу хууртай нэгэн үдшийг өнгөрөөх боломж олдох нь. Алс холын оронд аав, ээж, ах дүүгээсээ хол байсан тэрбээр ард түмнийхээ алга ташилтыг ч мөн санасан нь гарцаагүй биз ээ. Тиймээс урт удаан хугацааны хүлээлт үүсгээд байсан уг тоглолт тун удахгүй үзэгчдийн халуун алга ташилтаар дүүрэн болох нь ээ.
www.URLAG.mn
