Дуучин бүсгүй Рианна хэдхэн хоногийн өмнө л Крис Браунтай гэрлэж, хүүхдийг нь гаргахыг хүсч буйгаа хэвлэлээр аз жаргалтай өгүүлсэн байсан билээ. Тэгвэл төдөлгүй бодол нь өөрчлөгдөж, байнгын халамж тавьж чаддаггүй, байсхийгээд л алга болчихдог найз залуугаасаа залхаж, харилцаагаа таслахаар шийдсэн тухай мэдээлэл цацагдах болов. Крис Браун сүүлийн үед Кейша Кимболл хэмээх бүсгүйтэй үе үехэн зугаалах болсон тухай цуу дэгдсэн юм. Гэвч Кейша энэ талаар "Би Крисийг шөнийн цэнгээний газар очиход нь байнга үйлчлэгч хийдгээс цаашгүй. Бид энгийн л найзууд, илүү зүйл байхгүй. Ер нь би хар арьстай залуустай уулздаггүй. Тиймээс Рианна, Крис хоёрын хооронд болоод байгаа явдлыг надтай битгий хутга" гэж хэлсэн гэнэ. Гэвч Кейша л хосын дундуур гүйсэн шар муур болж таараад байгаа ажээ.
