Хүйсээ солиулсан “эрчүүд”-ийн тухай сонирхуулж байна.Эдгээр бүсгүйчүүдийн олонхи нь салбар салбартаа амжилттай яваа олны танил хүмүүс ажээ. Мөн өмнө дурьдсанчлан зарим нь эр бэлэг эрхтнээ эм бэлэг эрхтнээр солиулаагүй байх нь бий ажээ.
Клаудиа Чэрриэз / АНУ
“Жэнис Дикинсоны загварын агентлаг”-аас ажил амьдралын гараагаа эхэлсэн загвар өмсөгч Клаудиа Чэрриэз бол Нью Йоркоос гаралтай АНУ-ын “шилдэг” модел юм. Тэрээр нэрт загвар өмсөгч Тайрагийн “America’s Next Top Model” шоунд оролцоод хүйсээ солиулсан нь мэдэгдсэн тул хасагдаж байсан бөгөөд хожмоо энэ төрлийн хүмүүст зориулсан “America’s Next Top Transsexual Model” шоуны ялагч болсноор нэр хүндтэй болжээ. Клаудиа Испани гаралтай бөгөөд өдгөө 31 настай ажээ.
Сирапасорн Атхаяакорн / Тайланд
Сэмми нэрээрээ танигдсан тэрээр Тайландын “Олон улсын Мисс – 2011” наадмын тэргүүн байрын эзэн бөгөөд торгомсог зөөлөн, гайхалтай “арьс”-тай бүсгүйгээр нэрлэгджээ. Энэхүү арга хэмжээг Тайландын “Аялал жуулчлалын яам”-наас зохион байгуулдаг ба эрэгтэй төрж, хүйсээ солиулсан бүсгүйчүүд оролцдог ажээ. Урамшуулалд $10.000 доллар ба ивээн тэтгэгчдийн шагналыг хүртжээ.
Алиша Лү / Тайвань
Тайвань улс даяар багагүй шуугиан тарьсан энэ бүсгүй 18 настайдаа хүйсээ солиулж “эмэгтэй” болжээ. Загвар өмсөгч, хөтлөгч тэрээр багагүй алдартай нэгэн боловч 2010 онд болсон үйл явдал олныг нилээд цочроожээ. Түүний ахлах сургуульд байх үеийн ангийн нөхөр нь “эрэгтэй” байсан зургийг нь онлайнаар цацаж хэвлэлээр сайнтай саартай олон зүйл бичигдэх болжээ. Үүний хариуд Алиша хэвлэлийн бага хурал хийж эрэгтэй байсан гэдгээ хүлээн зөвшөөрч, хүйсээ солиулсандаа баяртай байгаа ба “эмэгтэй” хүн байх нь надад илүү сайхан байгааг хэлж эргэн нэр төрөө олсон явдал гарчээ.
Бэйли Жэй / АНУ
Насанд хүрэгчдийн “порно” киноны од тэрээр 1988 онд төржээ. Нью Йорк хотноо ажиллаж амьдардаг тэрээр Кавказаас гаралтай ба одоогоор бүрэн хэмжээний 10 гаруй “порно” кинонд тогложээ. Бэйли өөрийн нэрийн шоу нэвтрүүлгийг гэрэл зурагчин нөхөр Мэтью Тэхүний хамт хөтлөн явуулдаг гэнэ.
Крисшень Русчити / АНУ
Итали ба Америк гаралтай загвар өмсөгч, мэйк – ап артист Крисшень бүсгүй загварын салбарт 20 гаруй жил ажиллаж байгаа нэгэн ажээ. Портландад амьдардаг тэрээр дэлхийг тойрон аялж загварын олон арга хэмжээнд оролцдог ба өөрийн хүслээр хүйсээ солиулж өдий зэргийн өндөрлөгт хүрсэн үзэсгэлэнтэй бүсгүй гэгддэг ажээ.
Ким Петрас / Герман
Тим Петрас нэртэй байсан Герман дуучин Ким 1992 онд төрсөн ба 2007 оноос уран бүтээлээ хийж байгаа нэгэн гэнэ. 12 настайдаа хүйс солиулах мэс засалд орсон түүнийг дэлхийн хамгийн залуу “трансжендер” гэх нь бий бөгөөд тэрээр өөрийгөө үргэлж “эмэгтэй” хүн хэмээн мэдэрч ирсэн гэжээ.
Лиа Ти / Бразил
Бразилийн нэрт хөлбөмбөгийн тамирчин Тонино Серезогийн гэр бүлд 1981 онд төрсөн энэ бүсгүй 2012 онд Тайландад хүйс солиулах мэс засалд оржээ. Эхэндээ мэс заслын үр дүнд сэтгэл хангалуун бус байсан тэрээр одоо өөртөө итгэлтэй, загварын салбарт амжилттай яваа нэгэн юм. Түүнийг эрэгтэй ч эмэгтэй ч аль ч хүйсийнхэн сонирхдог гэнэ.
Дана Интернэйшнл / Израйл
1969 онд төрсөн дэлхийд нэр хүндтэй дуучин бүсгүй маань эрэгтэй төржээ. Тэрээр 1993 онд хүйс солиулах мэс засалд орж анхны бие даасан цомгоо гаргаж байсан гэнэ. Түүнийг “Eurovision” тэмцээний ялагч болж байснаар мэдэх ба хоёр жил уран бүтээлээс завсарласан байсан тэрээр шинэхэн цомгоо гаргаад байгаа юм.
Домино Пресли / АНУ
Атлантагаас гаралтай Домино нь 2011 онд хөхний мэс засалд орсон бөгөөд эр бэлэг эрхтнээ хараахан эм бэлэг эрхтнээр солиулаагүй нэгэн юм. Тэрээр 1987 онд төрсөн ба насанд хүрэгчдийн “порно” од болох мөрөөдөлтэй нэгэн ажээ.
Флоренсиа Тринидад буюу Флоренсиа Де Ла Ви / 1975.03.02
Роберто Карлос Тринидад нэрээ ийнхүү өөрчилж хүйсээ солиулсан энэ эмэгтэй бол Аргентиний нэрт жүжигчин, телевизийн хөтлөгч юм. 2010 оноос “эмэгтэй” гэгдэх болсон Флоренсиа 17 настайгаасаа эмэгтэйлэг болсон ба өдгөө шүдний эмч Паблотой гэр бүл болж хүү охин “ихэр” хүүхдийн ээж болжээ.
www.URLAG.mn
