Дуучин П.Жимсээ “Таван эрдэнэ” хэмээх анхны бие даасан уран бүтээлийн тайлан тоглолтоо үзэгчиддээ толилууллаа. Л.Лувсандоржийн шүлэг, З.Батсүхийн хөгжим “Таван эрдэнэ” дуугаар нэрлэгдсэн энэхүү тоглолтонд эрхэм дуучны маань уран бүтээлийн хамтрагчид болох МУСГЗ Отгон, МУСТА Б.Пүрэвсүрэн, тэргүүтэй уран бүтээлчид оролцсон юм.
Тус тоглолтод МУУГЗ Г.Мэнд-Оёоо, МУУГЗ Ч.Сангидоржын болоод хөгжмийн зохиолч МУСГЗ Л.Балхжавын аяалгуу, сэтгүүлч, яруу найрагч МУСГЗ Ш.Гүрбазарын шүлэг “Өмөөрөх эх орон”, МУСТА Б.Пүрэвсүрэнгийн аяалгуу “Хослон жаргая”, Найданжавын шүлэг Баянмөнхийн аялгуу “Хайрын бороо”, Б.Лувсандоржийн шүлэг, 3.Батсүхийн аяалгуу “Таван эрдэнэ”, МҮОНТ-ийн бүтээл болох “Амьдрал чиний төлөө” хэмээх 70 ангит киноны дуу “Амьдрал жаргалын дуулал” гэх мэт монголын дууны урлагийн нэрт төлөөлөгч нарын сор болсон олон гайхалтай уран бүтээлүүдийг эгшиглүүлсэн юм. Түүнчлэн тус тоглолтод Монгол улсын “Ятгын чуулга”, бүжгийн “Хатан туул” хамтлаг бүрэн бүрэлдэхүүнээрээ оролцлоо.
Тоглолтын гол онцлох үйл явдал нь дуучин Пүрэвжавын Жимсээ "Соёлын тэргүүний ажилтан" (СТА) цол тэмдгээр шагнагдсан явдал байсан юм. Ингээд та бүхэндээ тоглолтын зурагнуудаас хүргэж байна.
www.URLAG.mn
