Аливаа улс үндэстэн оршин тогтнож буйг хэл, соёлоор нь хэмждэг гэдэг. Дэлхий дээр зургаан мянга гаруй хэл байдаг гэсэн эрдэмтдийн судалгаа байна. Эдгээрийн ерэн хувиар маш цөөн тооны хүмүүс ярьж, гурван мянга орчим нь мөхөж буй хэлний тоонд оржээ. Хоёр сард нэг хэл мөхөж буй гэх. Хэл соёлын тусгаар тогтнолоо алдсан улс үндэстэнгүүд нь ч түүхийн хуудаснаас арчигдсаар л…
Монгол бичиг нь 1000-аад жилийн түүхтэй бөгөөд 1940 он хүртэл ашиглаж байсан хэдий ч 1990 он хүртэл ашиглахгүй байсаар 1990 оноос хойш түүх соёлоо дээдлэх үндэсний ухамсар сэргэж байгаа авч нийтийг хамарсан дорвитой арга хэмжээ авахгүй бол ахицтай явахгүй байгаа билээ. Иймд Бичиг Соёл төвийг байгуулж, Монгол бичгийн үзэсгэлэн худалдаа болон уралдаан тэмцээн зохион байгуулж Монгол бичгийг дэлгэрүүлэх үйлс өөр өөрсдийн хувь нэмрээ оруулсаар байна.
Монгол Улсын ерөнхийлөгчийн зарлигаар жил бүрийн 5 дугаар сарын эхний долоо хоногийг "Үндэсний бичиг соёлын өдөр" болгон тэмдэглэдэг билээ. Харин "Монгол хэл, бичгийн соёлын өдөр" -ийг тав дахь жилдээ зохион байгуулж буй "Бичиг соёл" үзэсгэлэн нээлтээ хийсэн аж. Урчуудын эвлэлээс зохион байгуулдаг уг үзэсгэлэнд монголын уламжлалт уран бичлэг, калиграфийг орчин үеийн урлагтай хослуулан хөгжүүлэх, дэлхий дахинд таниулах, Монгол хэлээр зөв ярьдаг, бичдэг болоход чиглэж байгаа аж.Уг үзэсгэлэнгийн хамрах хүрээ жил бүр өргөжиж, уран бүтээлчдийн чанар дээшилж байгаа бөгөөд сургуулийн сурагчаас эхлээд мэргэжлийн уран бүтээлчид бүх насныхан хамрагдах боломжтой юм байна.
www.URLAG.mn
