Орхон аймгийн авьяаслаг зураач хүүхдүүд нийслэлд тайлангаа тавьж байна. Монголын хүүхдийн ордонд нээгдсэн тус үзэсгэлэнд Орхон аймгийн 18 сургуулийн сурагчдаас шалгарч ирсэн 12 хүүхдийн 300 орчим бүтээл дэлгэгджээ.
Монгол орны үзэсгэлэнт байгаль, ан амьтадын сэдэвтэй тус үзэсгэлэнгийн зорилго нь хүүхдүүдэд эх орноороо бахархах, монголынхоо байгалийг хайрлаж хамгаалах сэтгэлгээг бий болгоход оршиж байгаа юм. Өдгөө арав дахь жилдээ зохиогдож буй тус үзэсгэлэнг мэргэжлийн сургуулийн багш ирж үзээд авьяастай, цаашдаа энэ чиглэлээр сурах сонирхолтой хүүхдүүдийг сонгож сургуульдаа урьдаг байна. Жилд 4-5 хүүхэд их, дээд сургуульд суралцах эрхийг энэ үзэсгэлэнгээс олж авдгаараа онцлогтой аж.
Өнөө жилийн үзэсгэлэнд төгсөх ангийн 4 хүүхэд бүтээлээ ирүүлээд байгаагаас 3 нь их сургуульд элсэх урилгаа авчихаад байгаа тухай багш Д.Цэгмид ярилаа. Д.Цэгмид нь Орхон аймгийн Зураач, урчуудын холбооны дарга бөгөөд холбооныхоо дэргэд ардын зураач Н.Цүлтэмийн нэрэмжит "Уран бийр" дугуйланг ажиллуулдаг юм байна. Эх орныхоо нэрийг гаргасан сайн зураач, уран бүтээлчдийг төрүүлэх тэдний зорилготой БШУЯ-аас хэрэгжүүлж буй "Авьяас" хөтөлбөр уялдаж байгааг үзэсгэлэнг зохион байгуулагчид онцолж байлаа.
www.URLAG.mn
