R&B дуучин Жастин Тимберлэйк хөгжмийн ертөнцөд дахин тэсрэлт хийхээр шийджээ. Шинэ уран бүтээлдээ хэдийнэ ороод буй тэрбээр энэ оны гуравдугаар сард “The 20/20 Experience” хэмээх дуугаа гаргасан юм. Дуучин залуу хамгийн сүүлд 2006 онд дуу гаргажээ.
“Billboard” сайтад бичсэнээр Жастин Тимберлэйк энэ оны есдүгээр сарын сүүлчээр “The 20/20 Experience” цомгоо гаргахаар ажилдаа орсон байна. Тус цомог 10 дуунаас бүрдэнэ хэмээн дуучин залуу ярьжээ.
Мөн тэрээр энэ оны аравдугаар сарын 31-нээс Канадын Монреал хотоос олон улс дахь аялан тоглолтоо эхэлнэ. Европ, Австрали, Өмнөд Америкийн орнуудаар аяласны дараа 2014 оны хоёрдугаар сарын 10-нд АНУ-ын Небраска мужийн Омаха хотод тоглолтоо зохион байгуулаад өндөрлөх аж.
Түүнчлэн энэ зун реппэр, продюссер Жей-Зитэй хамтран “Legends of the Summer” хэмээх аялан тоглолт зохион байгуулахаар болжээ. Тоглолтын үеэр тэд хамтран туурвисан уран бүтээлүүдээ толилуулах юм байна. Тус тоглолт Лондон, Торонто, Ванкувер болон АНУ-ын томоохон хотуудад зохион байгуулагдана.
www.URLAG.mn
