Завхан аймаг байгуулагдсаны 90 жилийн ойд зориулан, Төрийн шагналт, зохиолч Ц.Бавуудоржийн нэрэмжит “Цагаан үүл” яруу найргийн наадам өнөөдөр "Улиастай" хотод зохион байгуулагдаж байна. Тэрээр Завхан аймгаас төрсөн нэрт зохиолчийнхоо уран бүтээлийг олон нийтэд таниулж, тэнд амьдарч буй яруу найраг сонирхогч залуусын мэдлэг чадварыг хөгжүүлж, дэмжих зорилготой уг наадамд оролцогчид 18-34, 35-аас дээш гэсэн насны ангилалаар нутгийнхаа тухай шүлгээр өрсөлдөх аж.
Уралдааны тэргүүн байрын эзэд цом, 500 мянган төгрөгийн шагнал гардах бол удаах байрын эзнийг цом, 400 мянган төгрөгөөр шагнах гэнэ. Мөн энэ үеэр Завхан нутгийн харьяа зохиолч, яруу найрагчдын уран бүтээлийн үзэсгэлэнг дэлгэхээс гадна Ц.Бавуудорж тус аймгийн иргэдэд уран бүтээлийн цэнгүүнээ толилуулах юм. Тус цэнгүүнд Д.Цоодол, Д.Урианхай, Г.Мэнд-Ооёо, Д.Галбаатар, Х.Чилаажав болон МЗЭ-ийн шагналт Б.Батхүү, Б.Золбаяр, яруу найрагч Н.Гантулга, дуучин Ц.Төвшинтөгс, хөгжмийн зохиолч Т.Сэр-Од, Улаанбаатар чуулгын дуучин Д.Баасанжав, ДБЭТ-ын гоцлол дуучин Э.Бумхүү, Б.Баатархүү нар урилгаар оролцож байгаа ажээ.
Таныг урлагийн тэнгэр ивээг…
www.URLAG.mn
