НҮБ 1993 оноос эхлэн жил бүрийн тавдугаар сарын 15-ны өдрийг Дэлхийн гэр бүлийн өдөр (International day of families) болгон тэмдэглэхээр зарласан билээ.
Тэгвэл Ц.Намсрайжавын нэрэмжит Улсын филармонийн уран бүтээлчид энэ өдрийг тохиолдуулан “Бид нэг гэр бүл” тоглолтыг энэ сарын 15-нд СТӨ-нд зохион байгуулах гэж буй бөгөөд цаашид уламжлал болгох гэнэ.
Тоглолтын ерөнхий найруулагчаар УГЗ,ТШ С.Сүхбайтар, хөгжмийн найруулөгчаар СТА Д.Мягмардорж нар ажиллаж байгаа ажээ. Тус тоглолтод Улсын филармонийн “Баянмонгол” чуулга, Морин хуурын чуулга, симфони найрал хөгжим, гоцлол дуучин бүрэн бүрэлдэхүүнээрээ оролцох юм байна.
Тоглолтонд Ц.Батчулуун АЖ, Н.Бүтэнбаяр УГЗ, Б.Ганбат УГЗ, Б.Ганбат УГЗ, Д.Түвшинсайхан СТА, Б.Батбаатар, С.Саруул-Од нар удирдаачаар оролцох бол Ш.Чимэдцэеэ АЖ, Э.Сандагжав СТА, Б.Цэдвээ СТА, У.Хулан СТА, Д.Бурмаа СТА, С.Баттулга СТА (VOICE group), Д.Отгонжаргал СТА (VOICE group), А.Эрдэнэжаргал (VOICE group), Н.Наранбаатар (Hot Spot), П.Бат-Ундрах (Asian Shop),Т.Амина ОХУ-н (Буриадын "Цагаан сар 2013" ОУ-н уралдааны тэргүүн байрын шагналт) гэх мэт урлаг соёлын авъяаслаг дуучдын хамтарсан тоглолт гэр бүлийн үнэт зүйлийг сануулж, гэр бүлийн оршин тогтнолд нөлөөлж буй эдийн засаг, нийгэм, газар зүйн асуудлыг олон нийтийн анхааралд аваачих зорилгоор монголчуудтайгаа нэгэн үдшийг хамт өнгөрүүлэх нь ээ.
Холбоо барих утас: 7011-8012, 11-329173, 9918 7250, 9902 2846
www.URLAG.mn